रिसोड: तालुक्यातील वाघी खुर्द ग्रामपंचतीच्या इतिहासात प्रथमच आशादायक वातावरण निर्माण झाले असून वाघी खुर्द ग्रामपंचायतिच्या सरपंच पदाची धुरा गोंड कोळी समाजाच्या हाती आली. विशेष म्हणजे वयाच्या अवघ्या 22 व्या वर्षी सरपंच म्हणून निवडून आलेल्या वाघी खुर्द येथील सौ.सुषमा आकाश लोखंडे या युवतीने 29 डिसेंबरला पदाचा कारभार स्वीकारला.यामुळे गावातील समाजबाधवानी एकच जल्लोष केला.
रिसोड तालुक्यातील ग्रामपंचायतीमध्ये आतापर्यंत एखाद्या ग्रामपंचायतीचा अपवाद वगळल्यास येव्हढ़या कमी वयात फारसे प्रतिनिधित्व करण्याची संधी मिळालेली नाही.यंदा मात्र थेट जनतेतून झालेल्या सरपंचपदाच्या निवडणुकीत अनुसूचित जमाती प्रवर्गात मोडत असलेल्या त्या अविरोध निवडून आल्या.तसेच उपसरपंचपदी सुधाकर चिनकुजी मोरे यांचीसुद्धा बिनविरोध निवड झाली. ग्रामपंचायत वाघी खुर्द येथे शुक्रवार दि.29 डिसेंबरला ग्रामपंचायतची पहिली सभा नवनिर्वाचित सरपंच सौ.सुषमा आकाश लोखंडे यांच्या अध्यक्षतेखाली घेण्यात आली. या सभेमध्ये नवनिर्वाचित सदस्यांमधून उपसरपंच पदाची निवड करण्यात आली. उपसरपंच पदासाठी सदस्यांमधून सुधाकर चिनकुजी मोरे यांचा एकच नामांकन अर्ज भरण्यात आला होता.या नामांकन अर्जावर चर्चा होवून सर्वानुमते उपसरपंचपदी सुधाकर चिनकुजी मोरे यांची बिनविरोध निवड झाल्याचे घोषित करण्यात आले. यावेळी निवडणूक निर्णय निरीक्षक अधिकारी प्रा.खोटेसाहेब,तसेच सहाय्यक ए.व्ही.लहाने साहेब,तर सहाय्यक म्हणून तलाठी बाविस्कर साहेब,ग्रामसेवक बोरकर साहेब,शिरपुर पोलिस स्टेशन बिट जमदार इप्परसाहेब,पोलिस पाटिल शेख शेगिर शेख मुनाफ,ग्रा.पं.सेवक शेख महेबूब यांनी निवडणूकीचे काम पाहीले.तसेच ग्रा.पं. वाघी खुर्दची निवडणूक 7 ऑक्टोंबर रोजी पार पडली.तर निकाल 9 तारखेला लागला होता.
सम्राट टाइम्स न्यूज
सिद्धार्थ भालेराव.
9552978172
कोणत्याही टिप्पण्‍या नाहीत:
टिप्पणी पोस्ट करा