विनोद तायडे वाशिम
कृषि विभागामार्फत वाशिम जिल्ह्यात राष्ट्रीय गळीतधान्य व तेलताड अभियान योजना सन २०१७-१८ या वर्षात राबविण्यात येत आहे. या योजनेंतर्गत फ्लेक्झी फंड बाबीमधून शेतकरी उत्पादक कंपनी व वैयक्तिक शेतकरी गोदाम बांधकामाचा लाभ घेऊ शकतात. गोदाम बांधकामासाठी एकूण खर्चाच्या ५० टक्के किंवा जास्तीत जास्त १२.५० लाख अनुदान देण्यात येणार आहे. जिल्ह्यासाठी ३ गोदाम बांधकामाचा लक्षांक प्राप्त आहे. याकरिता जिल्ह्यातील इच्छुक शेतकरी उत्पादक कंपनी किंवा वैयक्तिक शेतकऱ्यांकडून दि. १५ सप्टेंबर २०१७ पर्यंत अर्ज मागविण्यात आले होते. प्राप्त लक्षांकापेक्षा जास्त अर्ज प्राप्त झाल्याने दि. ५ ऑक्टोंबर २०१७ रोजी सकाळी ११ वाजता जिल्हा अधीक्षक कृषी अधिकारी यांच्या कार्यालयात लॉटरी पध्दतीने लाभार्थी निवड होणार आहे. तरी गोदाम बांधकाम अनुदानासाठी अर्ज सादर केलेल्या शेतकऱ्यांनी यावेळी उपस्थित रहावे, असे जिल्हा अधीक्षक कृषी अधिकारी कार्यालयामार्फत कळविण्यात आले आहे.
विनोद तायडे वाशिम
8888277765
कोणत्याही टिप्पण्‍या नाहीत:
टिप्पणी पोस्ट करा