मंगरूळपीर--तालुकास्तरिय स्पोकन इंग्लिश प्रशिक्षणार्थी तर्फे राज्य शिक्षक पुरस्कार प्राप्त शिक्षक श्री शरद सुरसे यांचा सत्कार घेण्यात आला. कार्यक्रमाच्या अध्यक्षस्थानी अनु. जाती निवासी शाळेचे प्राचार्य श्री सुरजूसे सर विराजमान होते. तर प्रमुख अतिथी म्हणून जिल्हा शैक्षणिक सातत्यपूर्ण व्यावसायिक विकास संस्था ,(DIECPD) वाशिम चे इंग्रजी विभाग प्रमुख प्रा. डॉ सांगोलकर साहेब, मंगरूळपीर गटशिक्षणाधिकारी सौ. मंजुषा कौशल , विषयतज्ञ श्री जगताप सर, केंद्रप्रमुख श्री रमेश भोंडने , साधनव्यक्ती श्री गजानन ठाकरे, श्री रफिक शेख तसेच विषय तज्ज्ञ श्री दीपक खाडे उपस्थित होते. यावेळी सर्व प्रशिक्षणार्थी तर्फे जिल्हा शैक्षणिक सातत्यपूर्ण व्यावसायिक विकास संस्था ,(DIECPD) वाशिम चे इंग्रजी विभाग प्रमुख प्रा. डॉ सांगोलकर साहेब यांचे हस्ते श्री शरद सुरसे यांचा सत्कार घेण्यात आला. तसेच डॉ. ऐ. पी. जे. अब्दुल कलाम यांची प्रतिमा त्यांना भेट म्हणून देण्यात आली.*
यावेळी सत्काराला उत्तर देतांना श्री शरद सुरसे यांनी जि प शाळांना उभारी देण्यासाठी सर्वोतोपरी प्रयत्न करण्यासाठी प्रोत्साहित केले. तसेच आपल्या भावना व्यक्त करून सर्व प्रशिक्षणार्थींचे आभार व्यक्त केले.
कार्यक्रमाचे सूत्रसंचालन मंगरूळपीर पंचायत समितीचे विषयतज्ञ श्री घरडे सर यांनी केले. तर आभारप्रदर्शन श्री ज्ञानेश्वर इंगोले यांनी केले. कार्यक्रमाच्या यशस्वीतेसाठी प्रशिक्षणार्थी श्री डि के गवई, ज्ञानेश्वर इंगोले, शिवाजी पजई, स्वप्नील म्हातारमारे, धीरज चव्हाण, कटारे सर, इंगोले सर, जुबेर सर, निलेश पिंपळे, कैलास राठोड, कु. मेघा ठाकरे, कु मुन्नाताई जाधव, कु सपना चौधरी, कु नीलिमा राजूरकर व सर्व प्रशिक्षणार्थी यांनी प्रयत्न केले. फुलचंद भगत मो.9763007835 सम्राट टाईम्स लाईव्ह
कोणत्याही टिप्पण्या नाहीत:
टिप्पणी पोस्ट करा