रिसोडला रविवारी मोफत भव्य रोगनिदान शिबिर*

              निवडक शिबिरार्थींचा पुढील उपचार अत्यल्प दरात

  *ब्रह्मा कुमारी विद्यालय व डॉक्टर्स असोसिएशनचे आयोजन*
 
   रिसोड महेंद्रकुमार महाजन जैन

-प्रजापिता ब्रह्माकुमारी ईश्वरीय विश्वविद्यालय, रिसोड,डॉक्टर्स असोसिएशन रिसोड व वत्सल हॉस्पिटल व रिसर्च फाऊंडेशन अकोला यांच्या संयुक्त विद्यमाने अगदी मोफत भव्य रोगनिदान शिबिराचे आयोजन रविवार दि ३ डिसेंबर ला सकाळी १० ते ४  या वेळेत स्थानिक श्री बाबासाहेब धाबेकर कला व वाणिज्य महाविद्यालय रिसोड येथे करण्यात आले आहे. शिबिरातील निवडक रुग्णांचा पुढील उपचार अत्यल्प दरात करण्यात येणार आहे हे या शिबिराचे महत्वाचे वैशिष्ट्य आहे. त्यामध्ये मेंदू, मणका, अपेंडिक्स,हर्निया, हाडासंबंधी,गर्भाशय इत्यादी शस्त्रक्रिया(ऑपरेशन) तसेच दंत विकार, नेत्ररोग संबंधित उपचार चा समावेश असणार आहे. गर्भवती मातांकरिता गर्भ संस्कार मार्गदर्शन अकोला येथील तज्ञ डॉ मीनाक्षी मोरे यांच्याकडून मिळणार आहे. गर्भ संस्कार मार्गदर्शन गर्भवती माता व बाळ या दोहोंच्या दृष्टीने अत्यंत लाभदायक ठरणार आहे.
 शिबिराला अकोला व वाशिम येथील तज्ञ डॉक्टरांचा चमू उपस्थित राहणार असून रिसोड तालुक्यातील सर्व डॉक्टर्स रुग्णाच्या सेवेकरिता उपस्थित राहणार आहेत तसेच ब्रह्माकुमारी ज्योती दिदींच्या मार्गदर्शनाखाली ब्रह्मा कुमारी विद्यालयाचे ज्ञानार्थी सेवा देणार आहेत.तसेच महाविद्यालयाचे प्राध्यापक, विद्यार्थ्यांचा विशेष सहकार्य  असणार आहे.तज्ञ डॉक्टर्स मध्ये अकोला येथील प्रसिद्ध डॉ अरुण भागवत शल्य चिकित्सक, यकृत,हर्निया,अपेंडिक्स,मुतखडा,मूळव्याध,ऑपरेशन तज्ञ,डॉ कल्पना भागवत स्त्रीरोग तज्ञ,डॉ उल्हास घोटकर मधुमेह तज्ञ,डॉ नरेंद्र भागवत न्यूरो सर्जन, डॉ नम्रता भागवत दुखणे निवारण तज्ञ,डॉ आर आर कांबे दंतरोग तज्ञ,डॉ शशिकांत मोरे, डॉ मीनाक्षी मोरे गर्भ संस्कार तज्ञ,डॉ अभिषेक भागवत पोटाचे विकार तज्ञ,डॉ हिता भागवत डोळ्यांचे विकार व ट्रान्सप्लांट उपचार, डॉ संजीवनी जवादे व्यसनमुक्ती तज्ञ,डॉ दिनेश राठी फिजिशियन तर वाशिम चे डॉ विवेक साबु  अस्थीरोग तज्ञ,डॉ शुभांगी साबु स्त्रीरोग तज्ञ,डॉ ज्ञानेश्वर डाळ अस्थीरोग तज्ञ इत्यादींची उपस्थिती राहणार आहे.
 शिबिराकरिता रुग्णांची नोंदणी डॉक्टर्स असोसिएशनच्या सर्वच डॉक्टर कडे सुरू आहे.या शिबिराचा लाभ अधिकाधिक रुग्णांनी करून घ्यावा असे आव्हान प्रजापिता ईश्वरीय विद्यालय संचालिका ब्रह्माकुमारी ज्योती दीदी व डॉक्टर असोसिएशनचे अध्यक्ष डॉ सुभाषचंद्र बबेरवाल,सचिव अरुण देशमुख, जेष्ठ डॉक्टर डॉ दिलीप धोपे, डॉ रमेश साबू, डॉ विजय प्रसाद तिवारी, व शिबिर समनव्यक रवि अंभोरे व ब्रह्माकुमारीज परिवार रिसोड यांनी केले आहे.

महेंद्रकुमार महाजन जैन 
रिसोड प्रतिनिधी
9960292121.