सम्राट टाइम्स लाईव्ह
वाशीम - आगामी 1 डिसेंबर रोजी भारतात प्रदर्शित होणारा संजय लिला भन्साळी यांचा वादातीत चित्रपट ‘राणी पद्मावती’ मध्ये राणी पद्मावतीच्या चरित्राचे विकृतपणे चित्रीकरण केल्याचा आरोप राजपुत समाजाने केला असून हा चित्रपट प्रदर्शित न होण्याच्या मागणीसाठी आज, 17 नोव्हेंबर रोजी शहरातील सर्व राजपुत समाजासह विविध सामाजीक संघटनांच्या वतीने विशाल मोटरसायकल रॅलीचे आयोजन करण्यात आले.
रॅलीची सुरुवात मन्नासिंह चौक येथून करण्यात आली. नंतर रॅली शांततामय मार्गाने शहरातील मुख्य रस्त्याने शिवाजी चौक, पाटणी चौक व आंबेडकर चौक या मार्गाने जिल्हाधिकारी कार्यालयावर पोहोचली. याठिकाणी राजपुत समाज संघटनेसह विविध सामाजीक संघटनांच्या शेकडो पदाधिकारी व कार्यकर्त्यांनी जिल्हाधिकार्यांना निवेदन दिले.
निवेदनात नमूद केले आहे की, संजय लिला भन्साळी निर्मित राणी पद्मावती हा चित्रपट आगामी काळात प्रदर्शित होणार असून प्रदर्शन पुर्व जाहीरातीवरुन या चित्रपटात राणी पद्मावती व इतिहासाचा अवमान झाल्याचे दिसून येत आहे. त्यामुळे या चित्रपटाविषयी सर्व हिंदु समाजाच्या भावना दुखावल्या जात आहेत. राणी पद्मावतीचा शौर्य, त्याग आणि बलीदानाचा इतिहास असताना तो विकृतपणे समोर आल्यास केवळ राणी पद्मावतीचाच नाही तर समस्त स्त्री जातीचा व इतिहासाचा अवमान तर होईलच परंतु समाज आणि नव्या पिढीसमोर चुकीचा व विकृतपणे सादर केला इतिहास जाईल. राजपूत समाजाच्या व इतर समस्त हिंदु समाजाच्या भावना या चित्रपटाशी निगडीत असल्यामुळे या चित्रपटाच्या प्रदर्शनाला आमचा तीव्र विरोध आहे. तरी राणी पद्मावती चित्रपट प्रदर्शित करण्यापूर्वी इतिहास अभ्यासक व समाजातील काही जाणकार प्रतिनिधी यांना चित्रपट दाखवून त्यातील आक्षेपार्ह भाग वगळावे. तसेच कोणत्याही महापुरुषाची चित्रपटाच्या माध्यमातुन अवमान किंवा इतिहासाची छेडछाड भविष्यात करण्यात येवू नये. तसेच वाशीम जिल्हयाील कोणत्याही सिनेमागृहात हा चित्रपट प्रदर्शित करण्यात येवू नये. अशी मागणी जिल्हाधिकार्यांना दिलेल्या निवेदनाव्दारे करण्यात आली.
सम्राट टाइम्स लाईव्ह
कोणत्याही टिप्पण्या नाहीत:
टिप्पणी पोस्ट करा